ന്യൂഡൽഹി: ഗൗതം അദാനിയുമായി ബന്ധപ്പെട്ട്​ ഉയർന്നുവന്ന വിവാദത്തിൽ കേന്ദ്രസർക്കാർ മൗനം വെടിയണമെന്ന്​ കോൺഗ്രസ്​. അദാനി ഗ്രൂപ്പിൽ വൻ നിക്ഷേപമുള്ള മൂന്ന്​ വിദേശ സ്ഥാപനങ്ങൾക്കെതിരെ നാഷണൽ സെക്യൂരിറ്റീസ്​ ഡെപ്പോസിറ്ററി ലിമിറ്റഡ്​ നടപടിയിൽ വ്യക്​തത വേണമെന്നാണ്​ കോൺഗ്രസ്​ ആവശ്യം. കോൺഗ്രസ്​ വക്​താവ്​ ഗൗരവ്​ വല്ലഭാണ്​ ഇക്കാര്യം ആവശ്യപ്പെട്ടത്​. കഴിഞ്ഞ വർഷം അദാനി ഗ്രൂപ്പിൽ 95 ശതമാനം നിക്ഷേപം നടത്തിയ നാല്​ വിദേശ കമ്പനികളുമായി ബന്ധപ്പെട്ട്​ ഉണ്ടായ വിവാദത്തിൽ സർക്കാർ പ്രതികരിക്കണമെന്നും കോൺഗ്രസ്​ ആവശ്യപ്പെട്ടു.അ​ൽ​ബു​ല ഇ​ൻ​വെ​സ്​ റ്റ്​​​മെ​ൻ റ്​ ​ഫ​ണ്ട്, ക്രെ​സ്​​റ്റ്​​ ഫ​ണ്ട്, എ.​പി.​എം.​എ​സ്​ ഇ​ൻ​വെ​സ്​​റ്റ്​​മെൻറ്​ ഫ​ണ്ട്​ എ​ന്നീ സ്ഥാ​പ​ന​ങ്ങ​ളു​ടെ അ​ക്കൗ​ണ്ടു​ക​ൾ മ​ര​വി​പ്പി​ച്ചുവെന്ന വാർത്തയാണ് കഴിഞ്ഞ ദിവസം പുറത്ത്​ വന്നത്​​. ഇ​തോ​ടെ​ ഈ ​സ്ഥാ​പ​ന​ങ്ങ​ൾ​ക്ക്​ പ​ഴ​യ ഓ​ഹ​രി​ക​ൾ വി​ൽ​ക്കാ​നോ പു​തി​യ​ത്​ വാ​ങ്ങാ​നോ സാ​ധി​ക്കി​ല്ല. മൊ​റീ​ഷ്യ​സ്​ ആ​സ്​​ഥാ​ന​മാ​യി​ ര​ജി​സ്​ റ്റ​ർ ചെ​യ്​​ത മൂ​ന്നു സ്ഥാ​പ​ന​ങ്ങ​ൾ​ക്കും​ ഒ​രേ വി​ലാ​സ​​മാ​ണെ​ന്നും ഇ​വ​ക്ക്​ വെ​ബ്​​സൈ​റ്റു​ക​ളി​ല്ലെ​ന്നും മാ​ധ്യ​മ​ങ്ങ​ൾ റി​പ്പോ​ർ​ട്ട്​​ചെ​യ്​​തി​രു​ന്നു.അതേസമയം, വാർത്ത പുറത്ത്​ വന്നതിന്​ പിന്നാലെ ഇക്കാര്യം നിഷേധിച്ച്​ അദാനി ഗ്രൂപ്പ്​ രംഗത്തെത്തി. നാഷണൽ സെക്യൂരിസിറ്റി ഡെപ്പോസിറ്ററി ലിമിറ്റഡ്​ വിലക്കേർപ്പെടുത്തിയില്ലെന്ന്​ തങ്ങളെ അറിയിച്ചുവെന്നാണ്​ അദാനി ഗ്രൂപ്പി​െൻറ വാദം. ഇക്കാര്യം എൻ.എസ്​.ഡി.എൽ സ്ഥിരീകരിച്ചുവെന്ന വാർത്തയും ചില ദേശീയ മാധ്യമങ്ങൾ റിപ്പോർട്ട്​ ചെയ്​തിരുന്നു.
